سالى أحمد
ادارة المنتدي
النوع : 
عدد المساهمات : 187
تاريخ التسجيل : 18/07/2009
 |  موضوع: دموع وبسمه وفرحة وألم ودعوات كتير .......فى زيارت فريق شباب الخير لدار لمسنين  الجمعة ديسمبر 18, 2009 1:03 pm | |
|
بسم الله والصلاة والسلام على رسول الله
ومعلم الناس الخير سيدنا محمد صلى الله عليه وسلم
اللهم لك الحمد كما ينبغى لجلال وجهك وعظيم سلطانك
كان يا مكان دخلنا مكان عارفين هنلاقى فيه الحب والحنان..عارفين كمان ان ممكن يكون فيه دموع وألالام
لكن اللى لقينها فوق كل احتمال
لقينا
ام قاعده على كرسى متحرك مش قادرة تتحرك بعد ما كانت ماليه الدنيا حركة
وضحك ,لقيت كمان دموع أب ماليه عنيه لما شاف ناس مالهمش اى صلة جاين
يسألوا عليه
شوفت دعوها جواها صرخة
شوفت ألم جواه رضا
شوفت حب يملى الدنيا
ده اللى شفناه مع فريق شباب الخير فى زياراتنا التانيه لدار المسنين
زى ما كنا أتفقنا على أن نمشى طريق الجنه سوا ونوصل على بابها أن شاء الله سوا
وان نخلى ولو جزء بسيط من حياتنا نسعد بيه غيرنا
روحنا مع صحبة الخير مع فريق شباب الخير لزيارة أمهاتنا وأبائنا فى دار المسنين..
المرة دى مش هنحكى عن مكان التجمع ولا الميعاد ولا حتى فرحتى بكل أخت كانت وحشناا من الزيارة اللى فاتت
هنحكى على أحاسيس عشنها وحاجات اتعلمناها ودموع بكتها قلوبنا قبل عيونا
روحنا
زيارتنا وكلنا جوانا طاقه حب كبيرة مصرين نحسس بيها كل أب وام عشنا أيام
بنرتب للزيارة عشان نقدر فعلا نسعدهم ونشيل شويه من الهم اللى على قلوبهم
بس أول ما روحنا الكل اتصدم من وقت ما دخلنا الدار موقف غير ما متوقع موقف
يكسر القلب ..لقينا امهات كتير وأباء قاعدين على كراسى متحركة منهم اللى
حاس جايه تشوفه ومنهم اللى فى دنيا تانيه خالص
بس اللى مش مختلفين عليه واللى كلهم حاسين بيه قسوة أبن وبنت رمى أبوه وأمه فى دار ربنا وحده بس هو اللى عالم بيتعاموا فيها زاى
يمكن مش عارفه وأوصلكم شكل اليوم كان عامل ازى لانى الاهم بالنسبالى ليه
أوصل أحساس كسرنا كلنا عشان الكل يعرف نعمة أبوة وامه ونعمة الرحمة اللى
لو راحت من قلوبنا هنبقى وحوش
للاسف حتى الوحوش فى قلبها رحمة
المهم كان الموقف صعب أووووووى بجد القلوب أتكسرت واتوجعت وحاولنا نتماسك عشان الناس متحسش باننا مشفقين عليهم
بدانا يومنا عشان نرسم البسمه على وششهم ونشوف ضحكة يمكن هما نفسهم نسيوا يعنى ضحكة
بدانا
يومنا مع كل أب وام هناك نكلمهم ويكلمونا ويحكولنا ويسمعونا ..يمكن هما
اتبسطوا كتير من وجودنا معاهم بس احنا الوضع بالنسبه لينا كان مختاف
الزيارة كانت دروووووس كتير أتعلمناها
عرفنا يعنى ايه رضا لما
تبقى أم عندها أمراض كتيره ومع ذلك مفيش غير كلمة الحمد لله ,,وأحنا
والنعم كتير حاولينا من صحه ومال وفسح وضحك وامان ومع ذلك مفيش كلمة حتى
الحمد لله
عرفنا كمان أن جوانا الحمد لله نعمة كبيرة ناس كتيرة محرومة منها نعمة الرحمة
الحمد لله بجد كل الناس اللى موجوده أستبشرنا فيها الرحمة وأسأل الله أن يكونوا اهل لها
أنا عارفه انى مش هعرف أوصل ربع اللى حسينا بيه هناك ولا حتى هنعرف نوصل
احساس كل أم وأب شايفيبنا داخلين عليهم وبينهم وبين نفسهم بيتمنوا ان يكون
اللى داخل ده أبنهم اللى سهروا عشانه وبكت عيونهم قبل ما هو يبكى
اللى أمه شافته بقلبها قبل ما تشوفه عنيها
اللى مقدرش كل صرخة ألم هى بتولده
اللى مقدرش الجنة اللى تحت رجليها
الى نايم فى بيته ووسط ولاده وبيخرج وبيتفسح وامه يمكن بتتهان فى مكان مش مكانها ابدا لان هى مكانها الجنه مش دار مسنين
مش هقدر أقول غير الحمد لله أن أستخدمنا فى أدخال الفرحة على قلوبهم
ولو بساعات قليله يمكن تهون عليهم أيام كتير فاتت وأيام كتير جايه
ويارب ديما نقدر نساعدهم ونشوف ديما البسمه على وششهم
ويارب يصلح حال أبنائهم لانهم هما اكتر ناس يقدروا يرسموا البسمه دى تانى
وبشكر كل الناس الى جت الزيارة ويااارب نكون فى ظل عرش الرحمن ويتقبل منا
ويقبلنا ويديم أستخدامه لنا..ويسدد خطى الفريق لكل خير
امين أمين أمين
 | |
|
راندا سعيد
مشرف منتدى حواء ولا أحلى
النوع :
عدد المساهمات : 91
تاريخ التسجيل : 02/10/2009
العمر : 38
العمل/الترفيه : طالبه
| | موضوع: رد: دموع وبسمه وفرحة وألم ودعوات كتير .......فى زيارت فريق شباب الخير لدار لمسنين السبت ديسمبر 19, 2009 5:15 pm | |
| ياااااااارب اميييييييييييييين
بجد الزياره متتوصفش بوصف لانها كانت اكتر من رائعه
ويارب يرزقنا العمل الصالح ونروح تانى وتانى | |
|
